Ek sachai ki chhavi - Abhinav Singhi

Ek andhera hai mujhme jo kehta hai waqt se samajhota kar le, 
Ek roshni hai mere andar jo kehti hai thoda toh aur lad le

Ek takleef hai mere andar jo kehti hai chikh kar duniya se sab kuch bol de,Ek samajhdaari hai mere andar jo kehti hai khamoshi se yeh kadva ghut pi le,

Ek nafrat hai mujhme jo kehti hai usse baddua de de,Ek ishq hai mere andar jo kehta hai use ab dil se maaf kar de,

Ek khalipan hai mujhme jo kehta hai kuch yaar naye bana le,Ek bacha hai mere andar jo kehta hai purane yaaro se aaj fir baat kar le,

Ek jhut ka hissa hai mujhme jo kehta hai shauk ke liye pyaar kar le,Ek sachai ki chhavi hai mere andar jo kehti hai har kisi ki kadar kar le. 

-Abhinav Singhi ❤